除咗放假或者要晨咁早出去試車，我每天都會經過龍翔道返回將軍澳的Office開工，而且仲肯定喺早上繁忙時間，永遠唔係塞車就係慢車，浪費晒我跟其他駕駛者的寶貴時間，正因為咁，每當我看見有車（不論是甚麼車種）打燈切線或從旁邊的小路駛出我都會盡量讓路，大家好做嘛！
不過上星期的某一天，我卻碰上一位堪稱是「路霸」嘅的士司機，事緣當日路面異常擠塞，所有人也在等待車龍向前移時，我左邊突有一部的士不動聲色出現，並且燈又唔打就切入我的行車線，都算啦，哈！後來他再次在我的車後，當去到近斧山道時，有一部巴士要從小路出大路，我見後方有長長的車龍，便減慢車速示意讓他駛出，豈料那位「路霸」又閃燈又響按，話我阻住佢去路，這時我即刻無名火氣，開了車窗擰轉頭痛罵一番。我真係好想問吓這些「路霸」，到底讓巴士或其他車輛先行，係咪錯事嚟嘅呢？我會好肯定話到你知，一定唔係！每天大家在路上行車，唔係要事事忍讓嘅咩？係咪要唔讓鬥唔讓，最後搞到發生交通意外才肯收手呢？唔該各位「路霸」反省一下自己嘅駕駛態度，如果真係有咩意外發生時，唔該唔好怨天尤人！
記者：鄭達基