忘了是哪位有財有貌的名女人曾公開慨歎過：「女人唔易做！」正如令一眾平凡女子羨慕又妒忌的名模，華衣美鑽，迷倒眾生，但她們付出的，又豈止保養面孔和身材？今次擺明車馬，學做另類狗仔隊做名模LisaS.跟班，看看究竟一個TopModel的公、私生活是否都五光十色，燦爛非常?!
記者：謝翠玲
攝影：譚盈傑
Lisa'sMake-up：YoYo
Wardrobe：BCBG
我自問EQ唔算超好，但工作嘅時候都唔會發作嘅，最多行完騷先入廁所大叫發洩囉，哈哈哈……
10:00am唔返工唔搽粉底
平日行Catwalk時，有人服侍化妝Set頭，要幾誇有幾誇。不用工作時，LisaS.只會塗少許遮瑕、睫毛膏和唇彩令樣子精神。至於粉底可免則免，讓皮膚有機會休息。工作日她不會帶化妝品，袋中只有多用途的滋潤霜和可當打底的保濕精華。
每早必食大份早餐
LisaS.說早餐很重要，每天開工前一定會吃大大份早餐，令自己保持充足的體力，事關食完呢餐，唔知幾時先忙完可以食下一餐！
11:00am車輪轉做訪問
化完妝就要換衫做訪問、影相。衣服都係靚靚又單薄嘅春夏新裝，Lisa在訪問期間一直保持神態自若，但其實房間的冷氣溫度低得可憐，看來名模天生有過人的耐寒力！
2:00pm偷閒逛街買護膚品
女人天生愛Shopping，時間許可喺附近逛街，都會去睇睇心愛護膚品，不過因為休息時間太寶貴，LisaS.如果撞啱dayoff，她會選擇去玩Wakeboard、放狗、看電影和在家睡覺休息，行街反而只是次要。
「我愛高跟鞋！」
身高179cm的LisaS.，原來她最偏好高跟鞋，而且唔高唔買，四、五吋的幼跟高跟鞋才是她的最愛。她說以前住紐約，天天踏着五吋高跟鞋出門最開心。但到了香港後，穿高跟鞋的機會少了，但仍無阻她買鞋的興致。不過買完只能放在鞋櫃內，她更笑言閒來會打開鞋櫃觀賞一下那五十對高跟鞋，然後依依不捨的關門，到出席隆重場合時才會showshow自己至愛。
6:00pm廁所大叫發洩
休息了一小會，LisaS.又要趕去下一個工作場地準備，今個job是她最拿手的本行：行時裝表演，同場還有Eunis和周麗淇。
身為專業Model，面對突如其來的壞情緒，再天大的事都要放埋一邊，行完騷再算！Lisa說她自問EQ唔算超好，但工作時都會保持專業「唔發作」，佢話撞正心情唔好，最多行完騷先會入廁所大叫發洩，睇嚟壓力真係好大噃！
着比堅尼食少餐
很多女生要節食才可勉強保持苗條，但這對Lisa來說是不必要的，她說除非要穿比堅尼行騷，才會在工作前食少餐，但一行完又會密密食，芝士蛋糕、Brownie等甜食都從不抗拒，食極唔肥似乎是名模本能！
9:00pm日啪2公升水
完成一整天工作，第一時間要補充水份，Lisa平日閒閒哋會飲2公升水，做完GYM流到成身汗時更要飲起碼3公升水先至夠！
其他名模Hea去邊
跟咗一日名模做嘢，發覺真係唔係咁易捱，而且私人時間唔多，所以一有少少空檔就唔會放過，唔知其他名模有時間又鍾意去邊度Hea呢？
楊崢 一有時間去食嘢
楊崢（Vanessa）百足咁多爪，工作佔據她大部份時間。空閒時她喜歡去行山，不過更愛四出搵食，尤其是氣氛好的餐廳更得她歡心。「我去開赤柱嘅Lucy's，不過近排鍾意去四季酒店嘅法國餐廳Caprice，無論食物同環境都好有水準。」閒來鍾意搵食的Vanessa食極唔肥，果然天生異稟，我都要跟佢學嘢！
陳嘉容 每星期一次瑜伽
陳嘉容（Eunis）密密開工無時停，難得有時間Hea半日，佢會去玩瑜伽，「盡量keep住一星期一次啦！可以鬆弛筋骨嘛。」不過最令她回味無窮的最佳好Hea處，都係CLARIN’S的SPA。「瞓喺床上完全唔使郁，就可以幫我鬆弛緊張，不過一個月有時間去一次都謝天謝地啦！」
Lisa袋中護膚寶
身為名模，身體和面孔無時無刻都要保持最佳狀態才不會失禮。LisaS.本身是敏感膚質，加上工作時經常要化妝，又要周圍飛，皮膚更感乾燥。
Ⅰ.CremeAncienne（$2,600）搭飛機搽最啱：
可用於面部及身體任何部份。Lisa坐飛機時會塗保濕精華和此面霜，落機時皮膚keep住濕。平日脫毛後，她也會用此Creme來舒緩皮膚。
ⅠⅠ.AniseDaySerum（$1,200）褪走表情紋：
Fresh首次推出的精華修護霜，塗上後即時感覺緊緻、保濕和減退表情紋，Lisa試用了兩星期便深深愛上。
a.RoseWater（$300）溫和保濕：Lisa鍾意佢夠溫和，作Toner、保濕舒緩皮膚。
b.SugarFacePolish（$560）磨砂潤膚：一星期用三次，含黃糖和野生士多啤梨成份，磨砂同時滋潤皮膚，多功能用途最啱忙碌的Lisa。
c.RoseFaceMask（$560）敷mask打底：非常保濕最適合皮膚偏乾的Lisa日日敷，平日化妝前她也會敷mask打底。
fresh
查詢：21183956