成人電影的女角永遠「卡娃兒」，男角永遠鬍鬚勒特大肚腩；特寫鏡頭不會拍男角的大執胸毛，卻永遠追着女角滑溜的每一寸，不能否定的，AV是為了滿足男性的產物。看成人電影，一早已不是男性專利，但對於這種男性電影，女士們又覺得怎樣？3個初接觸AV的女人，各有各感覺，「點解女仔個樣咁辛苦？」「女仔都會自慰，女仔都可以睇！」「嘩！內臟呀！血淋淋呀！」身為女人的你，看過AV沒有？認同她們的哪一句？
Kat
職業：Model
年齡：18歲
阿Kat話覺得最唔公平係AV永遠有靚女主角，但男主角就求其得交關。係喎！阿鷹叔就瘦蜢蜢，朱古力波都唔算靚仔吖。
點會未睇過：「我先啱啱18歲，咁快睇過你咪搵差人拉我？」
Karol
職業：OL
年齡：23歲
Karol最唔明點解啲女主角個樣要咁辛苦，咁辛苦唔好做囉！係咪唔識分享受同痛苦嘅表情呢？
點會未睇過：「無興趣囉！」
Yammie
職業：OL
年齡：24歲
睇前無興趣，睇後更反感，不過Yammie都話唔介意男友睇AV，好過出去搞三搞四。
點會未睇過：「邊有女仔搵呢啲嘢睇㗎！」
動作場面無有怕
首先，3位女士都有共通點，就係唔抗拒男人睇AV，覺得男人睇AV係正常事，Karol只係講咗句：「如果男友唔係收埋百幾二百隻，都唔會『詐型』嘅。」題外話，我想話，睇得就唔會睇嚟睇去三兩隻！播片前，擔心的只是有男記者、男攝影師，場面會尷尬，難得3位女士面對電視中男女主角的赤裸裸，甚至見到無特技真功夫嘅動作場面，仍然繼續談笑風生，原來，思想唔夠開放嘅係筆者。
完事敷臉教壞人
入正題，播片！再一次擔心，為免嚇怕小妹妹，先播一套正常1對1電影片段，沒有預期的尖叫聲，亦沒有「𠵱」嚟「𠵱」去嘅嫌棄聲音，3位女士邊睇邊講：「都唔知佢哋講咩。」「點解個女仔個樣咁委屈。」「嘩，個女仔皮膚幾好喎，個胸都幾大。」正當埋牙片段殺入直路，Karol突然彈出一句：「呢個咁嘅姿勢都得？」原來有性經驗，也不一定睇過AV。完事，女主角一臉都係，個樣重好Enjoy。Yammie激動：「黐線！搞到啲男仔以為啲女仔真係鍾意！」Karol簡潔地：「變態！」惟獨Kat哈哈大笑：「喂，我睇過套電視劇，叫《凹凸庸醫》，有一集話個女人晚晚用精液『敷臉』，老咗皮膚都好白滑！」
有埋字幕投入啲
睇後討論，阿Kat率先發表偉論：「男仔睇無問題，我覺得女仔睇都無問題喎，點解要睇？咁……女仔都會自慰㗎嘛。」男仔鍾意睇AV解決性需要，好易明，但係戲中男角核突到「請都唔食」，點幻想？「唔……都睇唔到個男角個樣咁滯，啲動作始終係做緊嘛，睇到自然會有啲感覺。」不過Kat最關心竟然唔係動作場面：「我覺得就算係成人電影都應該有劇情囉，如果講日語當然要有埋字幕啦，咁會睇得投入啲，如果淨係一味做，咁會無乜Feel喎。」會否再睇？「同男朋友睇都可以嘅，當前奏嘛……」正宗人細鬼壞！
有性無愛唔啱我
Yammie第二個開口：「睇咗都唔會有性幻想喎！重覺得有啲核突，感覺完全都唔浪漫，自己做就無問題，睇見人哋做晒成個過程感覺好怪。」浪漫？應該早已沒期待，簡單嚟講Yammie覺得AV都係啱男人睇多啲：「啲男人可以有性無愛先睇得投入啫，呢啲戲都唔係畀女人睇嘅！」
用口Enjoy唔正常
睇之前話因為好奇，其實都有少少想睇嘅Karol就話：「以前大班人去朋友屋企燒嘢食，女仔就上天台準備，啲男仔就喺屋入面齊齊睇AV，都唔知有咩咁好睇，都有啲好奇。不過睇完之後就覺得無咩特別，咁男仔睇都好正常。」正常，因為戲中女角大多表現不正常「啲女仔個樣好假，就算舒服都唔使咁淫吓嘛，仲有我對啲用口嘅大特寫比較抗拒，點會正常做個樣就咁痛苦，靠把口又變到咁Enjoy？」
纖毛畢現最惡心
3仔睇過，重有鬼佬纖毛畢現版，比起㗎國出品更大膽，連之前睇到哈哈笑嘅阿Kat都話頂唔住，「嘩，我覺得日本嗰啲就意淫啲，但係歐美呢啲就真係核突囉，啲鬼妹，呀，唔係，係啲鬼婆三尖八角乜都有，重有呀！我好怕啲大特寫鏡頭，睇到內臟咁滯，嘔，DiscoveryChannel咩？」Kat擺明唔鍾意歐美成人電影，重話呢啲一定唔會同男朋友睇：「其實如果要我睇，啲變態片段例如啲女仔同女仔呀，大堆頭呀我一定會飛嗰段，我覺得正正常常都仲好啲，呢啲我真係睇到作嘔。」另外兩位女士，睇咗一陣已經大叫：「唔睇喇！好恐怖呀！」原來，格仔都有格仔嘅用途；果然，日本仔都着重包裝，無論男定女，都係BuyMadeinJapan呢一套。
現場直擊
