最近有個用開DC仔嘅同事轉玩Prosumer機，話嫌啲機仔唔夠Zoom喎！數落又好似係，一般DC仔都係得3×光學變焦，有6×以上嘅機仔，唔使用晒兩隻手都數得到。不過，相機舖個Sales姐姐話要買番部高倍變焦嘅，近期就多咗部有6百萬像素嘅RICOHCaplioR4可以揀，佢話有啲客買機仔最緊要係鏡頭夠Wide，R4有28mm兼且有7.1×光學變焦，旅行影相夠晒用，不過，我就嫌部機厚咗些少，而同行攝記就話呢部機正在快門反應夠快，唔使好似一般DC仔要㩒半下對到焦喇，先至俾你㩒埋落去影張相。PanasonicFX01同樣係28mm，Sales姐姐話呢部好賣過同門FX9，始終都係Wide鏡實用啲喎！