英國積架S-Type經已推出了一段日子，但筆者仍被她秀麗的輪廓深深吸引，尤其係佢一身渾圓的線條，再加上車頭四盞高聚焦的大燈配搭，份外奪目出神。香港代理引入咗一部S-Type3.0V6GT特別版，有齊全套S-TypeR的大包圍，還有四輪加大碼18吋跑車合金胎軨，立時令人為之眼前一亮，事關車價加埋套包圍亦不過60萬多一點嘛！
記者：陳偉林
攝影：林柏鈞 ImageGirl：Edith（TheGroup）
＋ 外形殺氣十足，原裝包圍手工好好，包圍配件噴油質素高。
－ 18吋合金胎軨太大Size，咬地力雖好，但欠靈活。
「GT所用的Aerobodykit最惡係車頭，積架車系外形似隻豹，但S-TypeGT就似一隻磨晒指甲嘅豹爪，同408匹的R跑版有九成相似。」
咪以為一部新車款擁有全新包裝下定必大賣無疑，查實唔少汽車用家卻對某款車的舊模樣情有獨鍾，正如筆者雖然不曾擁有過積架車，但卻對積架旗下的車款有一定深刻印象，當中筆者的至愛是S-Type車系，皆因呢款車的車首造型，帶出積架車的一貫神髓來，雖然面世至今已有一段時間，但部車愈望就愈有一種韻味。今趟原廠推出一套AeroBodyKit，內裏包括前後Racing化的大氣霸、金屬網面的鬼面罩，還有車身左右的裙腳，以及車尾定翼編排，均給裝身後的S-Type3.0V6GT有多一份S-TypeR的神采呢！加上四輪18吋跑車合金胎軨組合，倍見跑意盎然。可惜GT版的18吋輪胎太大，咬地力太強，走急彎時會失去S-Type原有的靈活性，不過18吋超大輪圈配GT包圍真的很吸引，很難取捨。
「S-TypeGT沒有R跑版的408匹，但賣相十足十，在街上走，沒有人會認出。要我揀，一定係買玩樣的GT，因為價錢平一半。」
S-Type3.0V6GT特別版的3.0公升V6引擎，勝在低、中轉扭力表現較出色，加上部車淨重不過係1,710kg而已，因而令起跑同加速時候格外起勁出神；再者，一套最新的ZF6前速自動波箱，其緊密齒輪比率更給引擎得以發揮淋漓盡致，3、4檔的輸出尤其又快又好力，轉當感覺暢順，筆者至欣賞是波箱的U形排列，給波檔位置明確又清晰，兼且仲可以當作手波車一般的操控，於港島石澳一帶迂迴的山路上疾走起來，表現既狠辣又好玩，加上軸距短，在彎角可以提早加油出彎。制動方面，原裝已有很好的表現，我試過每於彎路前Latebrake，感覺收放自如，另外，車上有一套可靠又安全的電子系統DSC（DynamicStabilityControl）、TRC（TractionControl）等輔助，Overspeed入彎都無危險。
「3.0V6一樣好好力，始終S-Type天生以操控為主，車身較輕，入彎敏捷度和四驅的X-Type差不多。」
S-Type3.0V6GT一身矯健的轎跑車性格，車廂陳設卻文靜舒適，雖然S-Type車價較XJ低，但車廂仍保持英國車的獨有氣質，例如厚厚的皮椅、真皮包邊的中控台等。除前後兩排座椅均以高級真皮鑲嵌，有別一般轎跑車的單薄設計外，前排仲有齊全方位電控，還有兩排各自獨立的頭枕裝備，給乘客有舒適講究的乘坐感，筆者仲好賞識部車的隔音結構，大可在寧靜寬敞的車廂空間中，享受住一套前後獨立送風的恒溫冷氣，欣賞埋一套AlpineCD演繹出的悠揚樂曲，可謂寫意又見全面。
「豪華唔係賣點，因為每部積架都有純英式豪華車廂，唔會因為車價而改變，我好鍾意積架呢份堅持。」
積架S-Type3.0V6GT規格
引擎：2967ccV6DOHC
馬力：240ps/6800rpm
扭力：30.6kgm/4100rpm
傳動：6前速自動波
售價：$609,900（連包圍）
車輛提供：積架汽車（25200989）
出車資料
車價：$609,900；牌費：$7,664
首期：$70,000；利率：5.5%
年期：4年（資料只供參考）
每月供款：$13,722×48期（HirePurchase）
新車評級機構
轉向：A 循序漸進
舒適：A 積架出品喎
制動：B 收放自若
車廂噪音：A 慢車時外界隔絕
加速：B 輸出啱啱好
傳動：C 欠動感
耗油量：C 約$1.8
評分標準：根據記者試車後的感覺給予評分，最好為A，最差為E。