四叔日日買嘅煤氣公司，雖然可以話係獨市，但佢哋仍不遺餘力做推廣，事關不進則退，直接影響四叔個荷包。繼上年搞咗個「烹飪大使」活動（圖），今年搞埋教育，同社署合作教小朋友煮食及餐桌禮儀，咁佢哋唔係太子章旗下，當然?英文啦。
雖然話全港兒童，但主力係新移民學童，等佢哋喺製作食品時學埋英文，提高英語水平之餘，又學埋餐桌禮儀，一舉兩得，佢哋經歷另一個社會，一定明白英文好及有禮貌好重要。
個活動今個禮拜六下午喺鯉魚門廣場進行，煤氣公司高級商務經理蕭錦誠會嚟主持大局，大會安排「廚師」鍾嘉欣同陳霽平同小朋友落廚，又有煤氣管弦樂隊、兒童時裝花生騷等，好多嘢玩，但因為明火烹飪，又有小朋友，所以大會對人流控制好着緊，要去玩要預先登記。