【本報訊】「我養豬養咗四十幾年，由最初只得一隻豬，靠全家人合力打理，到今日有成千隻豬。」香港禽畜業聯會主席蘇應橋擔心，若自己順應政府的自願退還飼養活豬牌照計劃，放棄經營，會令自幼跟他養豬的兒子無以為生。
蘇應橋昨日一臉無奈，不滿政府八六年推出的環保政策，已令全港逾四千個豬場，銳減至今日二百六十五個。現在政府再次出招，推出自願退還豬場牌照計劃，估計豬場數量會再減半。
他稱，按政府的賠償方案，全家人投放在豬場的心血，極其量只會獲賠二百萬元；假如拒絕交還牌照，他又憂慮政府到頭來實行扣分制，將豬農趕盡殺絕。他說：「政府打算實行嘅扣分制，見到豬場有老鼠就扣分。我反問政府，老鼠自己識行識走，豬場幾乾淨都有機會走入嚟啦。」
現年三十二歲的蘇植權，中三畢業後全職跟父親打理豬場。他說，「自細跟阿爸養豬，無論係餵豬，維修豬場，都要靠自己。但睇見啲豬仔成長，自己會好開心，幾辛苦都冇所謂。」已成家立室的他，同樣擔心交回豬場牌照，自己難以謀生。