日前經過開日資百貨公司Shopping，我就專程走到賣書籍同雜誌的專櫃，在一片書海當中，發掘到日文版《BestCar》的4月10日刊號，佢哋今期大力推介和大發Sirion有血緣關係的Boon，加入渦輪增壓器Turbo同恒式四驅的全新BoonX4型號，惡形惡相的大型氣霸連泵把，仲有一個加大碼的生風Intake，單看一台936ccTurbo引擎有成133匹馬力的驚人數字，加埋五名成人的載客量，又豈止一般代步小車咁簡單，若然有機會輸港的話，相信唔少細車的愛好者亦會喜出望外！
記者：陳偉林
測試450匹混燃凌志
封面大字標題講北美實地測試混燃引擎的凌志GS450h，終極345匹馬力，而近年不乏捧場客的本田Odyssey，原來廠方正準備在今個月中，推出Facelifted新版。外觀上，除車頭套用上電鍍鬼面罩同新泵把吸引外，車尾面板上亦新增多一條相連的反光板跟電鍍裝飾，Cyber同成熟之餘，車廂前排座椅的鋪排，仲有中控台的立體編配亦變得簡潔，又改用上四幅式的新設計，相信有助提高轉向時的手感，唔知新車要等幾耐至到港呢？