名模李嘉慧產後不足一個月，昨日已聯同樂基兒為LV行騷，急不及待復出搵奶粉錢。未完全收身的她，惟有穿深色乾濕褸遮掩身形，可能怕被問及家事，李嘉慧罕有地拒絕訪問便走後門離開。
超級名牌LouisVuitton昨日在中環四季酒店舉行初秋時裝騷，除了名模樂基兒和三位外籍模特兒外，剛剛誕下女兒的李嘉慧亦赴會行騷。
臉部略顯浮腫
李嘉慧上月八日才在港安醫院誕下七磅多女兒Valerie，未坐完月的她，昨日竟然火速復出搵奶粉錢。產後不足一個月的她，臉部仍有點浮腫，所示範的兩套LV新裝，全是深色束腰乾濕褸，明顯為遮掩未完全纖瘦的腰部。雖然這次是李嘉慧產後第一擊，但面對人氣強勁的樂基兒，亦只被安排靠邊站謝幕。
完騷後，李嘉慧匆匆走後門離開，不願接受訪問，只透過公關傳達：「我生完之後都有幾個品牌邀請，不過我揀咗LV。」及後李嘉慧接受電話訪問時說：「唔係好快啫，咁model做嘢係必然，我一向接開LV騷，今次又fit到啲衫，所以照接，老公反而唔想我咁快做嘢，但我覺得可以鼓勵自己快啲變番靚見人。」李嘉慧透露現時差不多回復以往磅數，全靠坐月湯水和清淡食物，並沒求助纖體公司，她又說：「我由朝早七點出門，成九個鐘頭冇見過BB，好掛住！要快啲返屋企見吓佢。」
匆忙復出罕見
其實近年本地名模接連傳出添丁喜訊，但她們至少休息一年半載才復出工作，如琦琦誕下女兒Ella後就唞足一年。歐陽妙芝產子後，亦休養大半年才復出為拍賣行示範珠寶，今次李嘉慧不錫身行騷，相當罕見。
採訪：顏英儀
攝影：仇志德
