之前說過不再追討鄭嘉穎簽下終身抽佣合約的戴思聰，前日卻發聲明，重申會將所有合約事務交由女兒戴蘊慧處理，鄭嘉穎好友曹永廉昨日出席《高朋滿座》宣傳活動時，不顧無綫勸喻，仗義執言，直指戴思聰陰濕，又稱他「乞兒兜拿飯食」。
戴思聰早前發律師信，要求鄭嘉穎履行十三年前簽下的終身抽佣合約一事，被傳媒大肆報道後，戴思聰受盡世人唾罵，更有人發起聲討大會，日前他表示以和為貴，聲言不追究鄭嘉穎的合約。怎料戴思聰前日卻向傳媒發聲明，表示會將所有追討事務交予女兒戴蘊慧處理，連身為鄭嘉穎十多年好友的曹永廉，也不齒他出爾反爾的行為。
「當時唔簽唔得」
曹永廉昨日出席《高朋滿座》的宣傳活動時，義正詞嚴地說：「我之前仲打電話恭喜嘉穎，以為佢冇事，𠵱家又交畀個女，佢都係陰濕，我識嘉穎已經知道有呢份約，嗰時都冇叫佢唔好簽，因為當時環境唔簽唔得，如果你唔簽就唔幫佢安排工作，對方軟硬兼施，嘉穎又心軟。如果真係幫到手，抽佣都冇所謂，不過最唔好就係賣佢過台灣，真係好忍心。」
曹永廉認為為師之道，不是講錢，他續說：「我就唔欣賞個老師為個學生付出，係要搵嘢交換，一世合約，諗得出都好絕，其實佢都好多方法搵錢，嘉穎搵幾多佢心知肚明，真係乞兒兜拿飯食，都唔明點解個女又係咁。」
不顧無綫勸喻
鄭嘉穎的事，牽連甚廣，無綫亦吩咐旗下藝人不要多談此事，不過曹永廉說：「係啊！公司叫我哋唔好講咁多，話佢（戴思聰）好鍾意告人，不過係人聽到都嬲啦！呢個係我心聲，我點可以唔講。」
另外，《高朋滿座》其他演員伍詠薇、鄭丹瑞、鍾景輝、鄧上文等昨日在酒樓設宴，並派發點心給酒樓的茶客，伍姑娘表示最近很辛苦，她說：「因為兩套劇一齊拍，𠵱家只係有時間沖涼。」
採訪、攝影：楊潔雯
