自從鄧國威做咗社會福利署署長後，社署同社福界嘅關係都算OK。不過噚日社署就罕有咁向一個NGO發炮，去信立法會同各大傳媒機構，狂抦一個叫做防止虐待長者協會嘅機構，對社署作出人身攻擊同嚴重失實嘅指控。事緣呢個會喺三月廿八日立法會福利事務委員會會議度，公開狂數社署，話社署喺跟進一個涉及換妻、女兒俾侵犯嘅複雜家庭暴力個案時愛理不理。
社署聽到咁嘅批評，即刻翻查資料，發現呢個會所講嘅同事實不符，社署話知道個case後已經喺三星期內同求助人進行八次面談同一次家訪，反駁協會嘅控指失實。防止虐待長者協會都唔係好蝦，個會嘅助理總幹事余嘉龍話，經已去信向申訴專員投訴，同埋會考慮告社署誹謗。
傳真︰2623-9278
電郵︰[email protected]