一聽到整容，即時諗起手術室成排刀仔同血淋淋嘅膠手套，仲唔耍手兼擰頭咩！如果話畀你聽可以免開刀，只需一個午飯時間，唔使請假閉關、左遮右掩，幾千蚊就可以重新做人，係咪吸引好多呢？注射透明質酸喺日韓一早熱爆，整鼻豐唇打下巴乜都得，因為最長可維持1年，所以唔滿意可以再整過。
記者：盧家蕙 攝影：陳偉強
Model：Andrea（FromHKgenesis）
MakeupArtist：Yuki（FromMaeVon）
透明質酸流行咗十幾年
「日韓好流行嘅呢種透明質酸，其實係一種多醣體，由100%非動物性呈啫喱狀之透明質酸所組成，本身也存在於人體內，係皮膚、關節及軟性組織的重要部份。」黃慧敏醫生表示。注射透明質酸作醫學用途已有十幾年歷史，香港就係呢三、四年才開始流行，原理係透過皮層內注射，增加皮層厚度，為凹陷皮膚（即皺紋或疤痕等）作出填補，從而隆高鼻樑、改善鼻裂、豐滿下巴、豐唇及撫平皺紋。
Case1 隆鼻
Kit
25歲，鼻樑不夠高
Before
點搞？
After
鼻樑上節位置明顯高了，沒有摺位，呈直線。
Kit：「注射過程唔痛，似唧黑頭咁，效果好自然！」
提提你：
醫生話注射後一星期唔好做facial或戴眼鏡，當然唔可以揑鼻啦。
Case2 豐唇
Kathy
2x歲，下巴圓，嘴唇微微向下。
Before
點變？
在下唇和下巴注入透明質酸，尤其在下巴揑出理想形狀。
After
一星期後嘴唇豐滿，下巴尖尖。
Kathy：「好滿意，之前整過鼻，所以好有信心。」
Case3除虎紋
關太
60歲，虎紋位置顯眼深刻。
點減？
在除紋位置打入透明質酸，其間須不斷撫平皮膚。
After
虎紋位置明顯脹起，沒有凹陷。
醫生意見：好多人會打Botox減皺紋，不過透明質酸效果較自然。
傳統矽膠與透明質酸比較
嫌疑整容藝人
聞說女大十八變，不過明星藝人仲犀利，轉個頭、眨下眼就唔同樣，令魯振順變林峰、娘爆村姑變topmodel！
周汶錡
關心妍
林峰
我想問……
透明質酸去咗邊？
因為透明質酸兼具黏容性與伸縮性，可以適應體內周圍細胞，會於人體內逐漸分解及排出體外。
安唔安全？
唯一獲得美國食物及藥物管理局（FDA）和歐盟（CE）批准的非動物性穩定透明質酸注射填充劑，與人體的透明質酸極為相似，因是由細菌培植出來，所以可避免疾病傳播危險，無過敏源，隔1個月再注射都得。
乜人唔打得？
懷孕及餵母乳人士不宜進行。另外，兩星期內曾接受彩光、激光等治療者，以及有皮膚問題如暗瘡等，都不宜注射。