估唔到連戰嘅墨寶都值個錢。普藝拍賣行將會喺今個星期六下晝兩點舉行拍賣會，拍賣台灣國民黨前主席連戰及前海基會董事長辜振甫寫嘅對聯，兩者都係佢哋喺八十年代出席祭祖大典時所寫嘅，前者當時擔任交通部部長，後者則為工業總會理事長。拍賣行總經理莊志崗對二人嘅書法造詣就不予置評喇，但就話會有客人會純粹因為歷史價值而買嘅，估價約二千五百至三千元。
全個拍賣會會拍賣四百幾件藝術品，估價總值約二百萬，當中包括張大千喺六十年代寫畀學生嘅信，估價約二千元；至於全場最貴嘅藝術品，就係六百幾年前明代宣德帝嘅畫作《松壑琴會圖》，估價五至七萬元。
傳真︰2623-9278
電郵︰[email protected]