陳寶珠與鄭少秋主演的古裝音樂舞台劇《天之驕子》，鐵定於七月正式公演。寶珠今次大展功架，與秋官各人共有八套戲服，而為加強秋官的大將軍架勢，其中一套戲服更重達四十磅。
由英皇斥資三千萬元製作的古裝音樂舞台劇《天之驕子》，邀得鍾景輝任導演、杜國威編劇、高志森監製及奚仲文擔任美指，兩位主角陳寶珠與鄭少秋的服裝支出約五十萬，寶珠的戲服更全部由城中著名服裝師傅與奚仲文逐件親手縫製。
大唱現代中樂
兩位主角日前拍攝海報時，也絕不馬虎，寶珠為配合劇中千變萬化的女扮男裝和花旦造型而換上多套戲服，她謂：「首次同秋仔合作，感覺係好新鮮，今次我仲會突破以前所有演繹，除咗一邊唱現代中樂，配合古代大場面外，仲會一邊功架十足咁做戲。」
至於飾演大將軍的秋官，其中一件戲服約重四十磅的皮革厚衣，加上頭上那個鍍上金屬的頭盔，更加重上加重，令他拍攝時苦不堪言。
丁蟹效應逆轉
此外，秋官主演的無綫新劇《潮爆大狀》昨晚推出，但秋官以往的丁蟹效應昨日起不了作用，大市造好，恒指升破萬六點，乃五年來首次，收市報16063.73點，升258.71點。秋官昨日在新城電台接受訪問時對此說：「可能因為今次同向海嵐合作呢，希望二十集都一直咁升啦，如果再多集數都唔知撐唔撐得住。」
問可有信心收視與股市一樣升，秋官說：「一定要有信心，但我不嬲都冇收視壓力，呢啲係公司先有。我都唔想俾人睇死，一有劇就跌市。」
假如新劇有四十點收視，向海嵐等女演員可會着泳衣，向海嵐說：「秋官都要着相撲手衫。」秋官則謂：「個個都期望班女仔環保啲着少啲布，我都會配合。」秋官又自爆很仰慕向海嵐的美貌與智慧。
採訪：王連連
