每年呢個時候，車廠都好驚，因為《AutoEXPRESS》將100部汽車排名，講出邊部汽車最實用、最慳油、最耐用，我哋最想知，當然係邊個排包尾喇。
包尾係Fiat舊款Punto，上年排名99，《AutoEXPRESS》話除咗實用性同耗油量較好，其他（性能、制動、操控、舒適、造工、耐用性等）全部倒轉十名內。最佳汽車係本田S2000，佢樣樣都名列前茅，而制動、可靠性同造工更攞埋第１名，惟獨實用性方面好弱，排名87。第２名係香港無得賣嘅SkodaOctavia，第３名係本田Jazz，第４又係本田Accord。香港人最鍾意嘅寶馬同平治又點呢？寶馬不負眾望，舊5系、X5同新5系分別排名8、9、10，平治排名係25，由新E仔爭番一口氣。
記者：伍旋卓
