天水圍位處香港嘅大西北，雖然交通網絡已經愈做愈好，但係對於大部份香港人嚟講，來回市區嘅路途始終都係遠咗啲；不過，由嗰處返大陸就好方便，尤其遲啲深港西部通道落成後，去深圳蛇口快過打針。
唔單止北上方便，今年中屯門港珠澳碼頭就會啓用，由天水圍去屯門「過大海」，亦都易過借火。
孖自己友送優惠
大家可能會問，點解要介紹咁多有關天水圍嘅資料？無他嘅，因為長實同和黃旗下天水圍嘉湖海逸酒店，即日起推出租房優惠，一早預備好晒啲相關資料廣發傳媒，蘭西見啲資料可以作為置業參考，所以做個順水人情，寫出嚟等大家溫故知新吓。
講番個嘉湖海逸酒店優惠，6月30日前，凡租住月租套房6個月或以上，有屈臣氏禮券送。