政府封殺民主黨意見 - 李八方

  政府封殺民主黨意見 - 李八方

民政事務局早前成立咗個網上公共事務論壇,邀請各界人士上網發表吓意見。民主黨政策部部長吳永輝都被政府點中,委任為論壇成員之一,輸入姓名密碼之後,就可以發表高見。
點知政府竟然封殺吳永輝提意見!話說吳永輝上個月喺個論壇度講電力市場開放,仲講埋民主黨會搞電力研討會,下款署名民主黨政策部部長,結果版主以與論壇內容無關為由,刪晒呢啲言論,仲刪埋佢係民主黨政策部部長嘅身份,搞到吳永輝都仲好嬲。
民政局解釋,論壇係討論當前議題,唔係畀人宣傳,咁做梗係唔適當,所以按規則刪去呢啲嘢。咁又係,鬼叫吳永輝係民主黨?如果佢係民建聯,政府又點會刪,呢個就叫親疏有別。


爆料熱線:29290000、27860099
報料傳真:26239278
報料電郵:[email protected]