李亞男、陳法拉、林子瑄及董敏莉等，前晚在銅鑼灣出席《人魚朵朵》首映，反而主角徐若瑄卻未有出現。
董敏莉在前日愚人節被朋友整蠱，她說：「我朋友SMS畀我話失戀，好唔開心，搞到我好擔心，點知原來全部假嘅。我以前中學時都有喺愚人節整蠱人，搽啲油彩喺櫈度，等啲人以為自己漏M。」
李亞男高妹冇人吼
此外，李亞男近日與黎姿及陳豪等合作拍攝新劇《通天幹探》，她飾演有才華的靚女，卻對醜女黎姿不甚友善，第二次拍劇的李亞男說：「我好習慣拍劇，通宵開工都冇問題。」
對於被指廣東話不標準，李亞男說：「口音好難改，我慣咗國語口音呀。」何不找個香港男友，順便學廣東話？李亞男說：「都冇人追，可能我生得太高啦。」
採訪：魯萍
攝影：陳慧安