久未露面的丁珮昨日到港台接受《開心日報》訪問，她早前曾計劃推出自傳，內容會提及李小龍，丁珮昨日說：「係我個女想我出，唔係為錢，係幫我平反，其實我都唔想講太多。」有傳李小龍妻子不想她推出，丁珮說：「唔會，以前就話啫，佢後來好似都嫁過兩次啦。」
抗拒出家
談到與李小龍一段情，丁珮說：「呢啲嘢好矛盾㗎，唔係單方面。點可能我做主動，我好佩服李小龍好有眼光，嗰陣好鍾意我。」丁珮信佛二十多年，問她會否考慮出家，她說：「唔會，一出家又會摷我以前啲嘢嚟講，俾人講到我死幾次都夠，我自己識死，唔使人哋迫死我，該死我自己會死，成日受矛頭指向，受好多苦呀。」
採訪、攝影：李珮洳