「好好哋一個人為乜做白老鼠？始終要有人做第一個（試藥），或者可以幫到人又幫到自己，就算失敗都唔後悔，益到醫學界都幾好。」因患癌症在公立醫院診治的凌先生（六十歲），經醫生及藥劑師講解後，簽署《知情同意書》接受注射新化療藥，治療效果顯著，但仍有臉頰出疹、皮膚輕微爆裂、指頭潰爛及屙嘔等副作用。
凌先生的決定得到舉家支持，他說：「家吓幾十歲人仲生暗瘡（紅疹）！無所謂啦，𠵱家我哋用緊啲藥，咪又係以前啲人試過嘅。中國人成日以為試藥好危險，其實只要監察得好，受唔到就即刻停藥，我覺得會安全。」
部份人需中途停藥
與凌先生試用同類新藥的病人中，部份人因嚴重副作用及治療效果欠佳，需停止注射新藥。曾進行器官移植的辛先生（六十八歲）正服用新開發的抗排斥藥，雖未知效用，但他說：「醫護人員將新藥好壞都講清楚，同家人商量後，覺得可以承受後果，於是決定試吓。」
另一名試服治癌新藥的龍女士（五十四歲），亦因嚴重嘔吐及皮膚變黑而轉回傳統療法，她對此表示失望：「新藥對我冇作用，但參加試藥前已做好準備，變成咁都冇辦法。」
本報記者