大家庭關係疏離<br>我未成年：Soler主動抱爹哋破隔膜大家庭關係疏離
我未成年：Soler主動抱爹哋破隔膜
孖仔組合Soler出生時，父親已六十多歲，母親是他第二任太太，兩房人合共有十五名兄弟姊妹。母親對Soler影響很大，小時候孖仔與父親關係疏離，後來母親教他們做主動抱抱爹哋，成功打破隔閡，還鼓勵兒子接觸音樂，結果兩人長大後選擇當上歌手，更以母親的姓氏Soler為樂隊命名。
孖仔組合Soler，哥哥夏里奧（Julio）和弟弟夏健龍（Dino）在澳門出生，父親OseoAcconci是意大利人，緬甸籍母親是其父第二任太太，共生了四個兒子，Julio和Dino分別排行第二及第三。至於其父的第一任妻子則育有十一名子女，絕對稱得上是個大家族。
慈母鼓勵
Julio與Dino出生時父親已六十多歲，加上一家合共十五兄弟姊妹，父親與子女之間的關係難免疏離。Soler自言在童年記憶中，當建築設計師的父親為人嚴肅，大孖Julio說：「我哋好怕爹哋，九歲嗰年，媽咪教識我哋表達，叫我哋主動行出第一步，走去攬一攬爹哋，就係咁打破咗我哋嘅隔膜。」
Soler雖然懼怕嚴父，但同時又視對方為偶像，兒時最喜歡放學後到父親的設計公司看他工作。問兩子何不子承父業？Julio說：「媽咪以前好鼓勵我哋玩音樂，畀機會我哋學樂器，所以培養到我哋好鍾意音樂，結果大個咗，我同Dino就揀咗音樂做我哋嘅職業。」Soler最初為組合改名時，湊巧友人大讚其母的英文名Soler動聽，所以就選用了這個名字。
冇隔夜仇
Soler兄弟情深，問他們可曾因為意見不合而發生衝突？Julio說：「我哋成日傾偈，就係想加深溝通，希望做每件事都行住同一個方向。無論我哋發生乜嘢事，從來冇出手打交，兩兄弟邊有隔夜仇㗎？」
採訪：比華利 部份圖片提供：Soler
9歲
《整蠱專家》
「因為我哋係孖生兄弟（Julio左、Dino），個樣好似，以前返學，老師成日唔認得我哋邊個打邊個，嗰陣我哋好鍾意整蠱老師，成日互調身份，搞到老師好頭痛。其實爹哋都分唔清我哋㗎，但佢最叻係會先叫其中一個嘅名，我哋一應，佢就即刻分得出啦！」
11歲
《家有嚴父》
「我哋三兄弟（後排左起：Julio、Dante、Dino）有個習慣，就係一放學會去爹哋（前）間設計公司度做功課同玩，等埋爹哋放工返屋企。爹哋份人好嚴肅，我哋幾兄弟好驚佢，喺佢面前唔敢曳曳，因為爹哋一發惡就不得了，所以就連同佢影相我哋都表現得好恭敬。」
20歲
《自力更生》
Dino同Julio（圖）有一段時間去咗意大利生活，Dino做餐廳夥計，而Julio就做設計嘅工作。Dino：「公餘時間，我就同Julio組band唱歌，周圍表演賺外快。呢張相係我哋喺意大利錄音室錄歌嗰陣影嘅。」
20歲
《自力更生》
Dino（圖）同Julio有一段時間去咗意大利生活，Dino做餐廳夥計，而Julio就做設計嘅工作。Dino：「公餘時間，我就同Julio組band唱歌，周圍表演賺外快。呢張相係我哋喺意大利錄音室錄歌嗰陣影嘅。」
26歲
《熱汗迫人》
「九九年底，我同黃貫中佢哋組成樂隊『汗』，我做結他手，大家合作得好開心，因為同樣對音樂充滿熱誠，所以夾起band嚟好投入，目標都好一致。」
左起：Dino、黃貫中、恭碩良、Jimmy
33歲
《直闖紅館》
Soler（大孖Julio右、細孖Dino）去年開始進軍本地樂壇，未及一年已大受樂迷歡迎，本月底還會在紅館舉行處男個唱，大騷音樂才華。近期孖仔更做過江龍勇闖台灣，成功獵取了不少女歌迷芳心。