「桂花魚一年四季都啱食，呢期最多人買。」魚檔蘇先生話桂花魚魚鱗細，肉質嫩，最適合清蒸。重8両至12両最好食，太大會有泥味，所以買細好過買大，如果唔小心買大咗，可以用鹽捽一捽魚身，再用水清洗。「蒸魚記得唔好用太厚嘅碟，因為熱力會唔均勻，條魚會蒸得唔好食。」再醒多個蒸魚貼士畀大家，蒸完魚後記緊將魚身滲出嘅水倒掉，因為魚汁會令魚肉變霉㗎！
