華華昨日喺維園見到恒生馬拉松健將張樹槐，梗要問吓佢跑馬拉松嘅心得。佢啱啱先喺國內廈門跑完，今個月又再出戰，而且轉戰國外，不過，無論國內國外，張樹槐都跑勻晒咁滯，仲有邊度未跑又好想跑呢？佢話係非洲。唔好以為係隨口噏，佢家陣好認真咁計劃，希望下年去得成。
講起恒生，華華早兩日收到佢哋嘅年報，覺得眼前一亮，佢哋今年本年報好明顯同以往唔同，就如高層嘅相，唔再係木口木面嘅證件相，而係好smartcasual，呔都冇打，主席邵銘高MrSmith喺架遊艇上面影，CEO柯清輝就騎住架單車，感覺好清新。
如果年報嘅風格反映公司嘅風格，恒生本年報咁大變化，係咪暗示未來佢哋嘅路向都會大變？