光大國際（257）呢期轉型搞環保，瓣數齊全，又食正國策，遲早俾基金睇中。呢期有報道話，祖國「11.5規劃」重點建設環保及節約型社會，未來5年，每年將衍生超過2000億銀人仔產值，財路唔嘢少。
光國搞嘅環保項目，包括垃圾、沼氣發電、污水處理及固體廢物處理；經營地區就包括江蘇省呢個工業重鎮，以及山東內陸地區，瓣數齊全，地區兼具發展潛力。
再講，呢期農業股多少亦因為扶農政策，炒到飛起，環保既係重點國策，又係國情迫切所需，光國有賣點，遲早有基金埋身。國際成熟體系同類股，PE20倍樓上，P/B（現價相對NAV）3倍起碼，以光國最新14倍PE，1.2倍P/B計，追及國際同業，光國講緊要翻一番去到1.2元。Before基金識貨，光國要strongbuy。
看通博翻一番
看通（1059）啱啱公布06年度中期（12月止）業績，營業額6.6億銀，增幅24%，實際純利1.83億銀，增長43%，相當省鏡。若然下半年睇齊上半年業績，看通全年度純利3.6億銀，PE得4字頭。
要咁睇，看通係慣性低PE股，但股價3年累升達4倍，呢隻股特點係以持續性增長，去維持股價長期升勢，所以，低PE唔代表冇料到。家陣買入博升4倍，閣下可能會猶豫，但博佢翻一番見1字頭，預期PE不過8字頭，絕對合理。
錢雋