家陣藝人上位太容易，所以唔係太清楚乜嘢叫自愛。好似公仔箱一位受力捧嘅瘀男，由舞蹈藝員變咗一線小生，𠵱家仲歌影視三線發展，已經忙到上氣唔接下氣，但佢仲成日掛住蒲吧劈酒，第二日要一早開工都照樣飲到啤啤夫，搞到開工時酒氣未過，成個人吽吽哣哣，有時仲索性詐病唔開工！不過瘀男有高層撐腰，班幕後都冇晒佢符，但所謂花無百日紅，佢再唔識自愛嘅話，演藝生涯隨時玩完！