要衡量一道菜有無誠意，並唔係睇碟上擺設是否養眼，價錢匪夷所思的，食完好似無食過。深水埗福榮街、福華街一帶，食肆林立，講不上有豪華裝修，五星級服務，但最近接連開了日本居酒屋、京滬菜館及意大利餐廳，由用料至煮法，都極花心機，最重要係用街坊價可食到如斯高質菜式，日日嚟食都唔使就住荷包啦！
記者：李淑芬
攝影：陳偉強
模特兒：Ellen（Salvador）
1﹒居酒屋隱居秋名山
以為用秋名山做舖名一定會關《頭文字D》事，但料理店內不涉及任何車的主題，只因老闆愛車。店舖位處福榮街乾貨小販檔後，隱蔽非常，是否有違生意之道？大廚輝哥話：「老闆佢哋其實想搵一間舖來做聚腳地，所以地舖樓上嘅座位係佢哋專用嘅。」不在乎舖位當旺，只在乎用食物留客，這才算生存之道吧！
香草沙律三文魚$60
一向不愛三文魚的腥，但這三文魚鋪上日式沙律以及香草麵包糠粉，三文魚的食味清新得多。
雜錦海鮮烏冬$68
表面是一碟普通炒烏冬，但原來烏冬用了日本入口的蟹皇醬（即蟹膏醬）來煮，所以烏冬帶有重重的蟹膏鮮味。配料有甚麼海鮮，似乎不再重要了。
一口冷麵$38
六小碟冷麵，分別有三碟拉麵三碟蕎麥麵，上鋪時令海鮮，焦點在於自製的冷麵汁，拉麵淋上的是麻油蒜茸汁，較濃味，蕎麥麵是自調的蕎麥麵醬汁，食味較清新。
秋名山日本料理（23600348）
地址：深水埗福華街124號地下（地鐵站D2出口）
營業時間：11:30am-11:30pm
座位：42個
2﹒失傳山東燒雞此中尋
別小覷京滬小廚門面細細，原來老闆手執多間京滬菜館在手（荃灣、沙田西田、香港麥當奴道）。「區域問題，呢度嘅食客都要大大碟，飽肚，抵食。」老闆曾先生指出，這裏的食味與港島那邊也有差別，「始終係勞動階層，流汗多，會鍾意食濃味嘅嘢；成日坐寫字樓嘅，汗都唔流一滴，當然會食得淡口一啲。」
來這兒，必試山東燒雞，這傳統菜已甚少菜館做到。其餘小菜同樣出色，反而麵食是次選。
山東燒雞套餐$28
先炸雞，再用花椒、八角等香料蒸1小時撕片，雞肉出奇地不嚡口，聞到花椒、八角香氣。吃時點上蒜茸辣椒豉油汁，更能帶起食味。套餐跟菜飯、例湯。
蝦子鍋塌豆腐$38
豆腐沾上麵粉，再蘸蛋煎至金黃色，豆腐變得香口。用蝦子上湯燴過，粉醬面盡吸鮮味，清新得來卻不寡口。
京滬小廚（21948288）
地址：深水埗北河街165號地下（門口位於福榮街）
營業時間：11:30am-11:00pm
座位：36個
3﹒酒店級西餐平民價
在深水埗食的西餐，大都只屬茶餐廳地道港式口味。來深水埗吃正宗的西餐，可以到黃金對面的UncleBarry，雖然在同區來說，這兒的價錢不算便宜，但吃過之後，你會知道，價錢是超值的。因為由用料到煮的技巧，都是酒店級水準。價錢嗎？晚市兩道菜套餐$78，激抵！現在，餐廳還設下午茶餐，三十幾蚊就有甜品或意粉，咖啡或茶，唔使等出糧都可以做豪客啦！
凍海鮮盤$98
講抵食，必屬這海鮮盤，兩隻法國翡翠螺、十多隻法國藍青口、五、六隻澳洲小龍蝦，足夠二人當頭盤食用，喺中環食閒閒哋都要二百大元啦！
紐約芝士餅$38
餐廳一直堅持全數食品自家親手炮製，這道甜品亦然，吃一口，那軟滑濃香的食味，怎說也是酒店級水準。
UncleBarry（27087089）
地址：深水埗福榮街106號
營業時間：11:30am-11:00pm
座位：20個
食客幾句
