選美冠軍羊咩近年成為力捧姐仔，雖然佢好有鄰家女孩feel，但實際上就扮嘢至叻。羊咩早排同舞台劇老師蘭花合作拍劇，嗰排佢宣傳多，搞到同劇演員成日要改通告。有次羊咩因做宣傳而遲大到，成班演員由朝早等到下晝先見到佢出現，佢嚟到全無歉意，蘭花就教佢做人要謙虛識禮啲，點知羊咩居然當眾鬧番蘭花轉頭，兩個女人即時嗌大交！不過關仁認為羊咩唔應該目無尊長，做人都係分吓尊卑長次好。