風流種子吳嘉龍早前被踢爆與賴沅貞撻着，事後女方極速斬情絲，不過吳嘉龍卻不愁寂寞，上周四便盡享齊人福，與兩名參加選美的靚女蒲吧，連環與雙嬌咀嘴兼攬攬，艷福無邊。
本報早前踢爆吳嘉龍搭上時裝店Theme前太子女賴沅貞，兩人在街上咀完又攬，再齊返男方中環寓所短敍三小時，事後吳嘉龍解釋得很牽強，聲稱只是在家中「煲碟」；賴沅貞就自稱無意跟他發展，將重返美國紐約生活云云。
賴沅貞表態斬情絲後，吳嘉龍絕不愁寂寞，上周四傍晚六時多，吳嘉龍便一拖二到蘭桂坊蒲吧。當天吳嘉龍獨自在蘭桂坊酒吧出現，一邊吃三文治、一邊翻閱英文報刊。
評判順便識女
不久，兩名妙齡女郎坐在吳嘉龍鄰桌，其中一位紮辮，另一位則放下長髮、穿短袖T恤，其後三人開始搭訕，在短短四十五分鐘內，吳嘉龍已跟她們混熟，說得興起時，更乘機握着紮辮靚女手仔。而兩女對吳嘉龍亦甚有好感，各自取出手機輪流跟他合照，其後吳嘉龍率先離場，臨走時，兩女主動跟他攬攬兼親吻道別。
其實兩女一早認識吳嘉龍，紮辮女郎張允之（Janice），現年二十四歲，為去年落選港姐；而長髮靚女蘇詩雅（Ruby），二十六歲，是○四年洛杉磯華裔小姐亞軍。兩女最近參加「非常變身萬人迷大賽2006」，躋身最後五強，吳嘉龍湊巧是賽事評判，近水樓台。早於上周一，吳嘉龍和周汶錡出席該比賽宣傳活動，教授參賽者心得，其間吳嘉龍曾跟Janice鬼馬地走開談心，當時Janice已對他嗒糖，主動摸他健碩手臂，豈料相隔幾天，兩人已展開夜會。
向孫光華道歉
此外，吳嘉龍昨日在朗豪坊表示日前在一活動上碰見賴浣貞母親孫光華，主動向對方道歉，他說：「我話麻煩佢，有咁嘅新聞，希望佢唔好嬲。佢話冇問題，因佢個女去咗紐約，又知道我哋唔係拍拖。」
採訪、攝影：娛樂突發組、藍文浩
