到咗今日，我仲好清楚記得當日測試寶馬130i的情境，部車好彎又好力，真係好玩到震；但點知我早兩日上網搵資料嗰陣，見到廠方又為1系推出咗一個更加好玩嘅版本，係咩Version？咪就係可以用嚟落場嘅120d囉！
呢部可以用嚟落場嘅120d，最大SellingPoint唔係佢嗰個好惡兼落埋BBS輕量化跑車合金胎軨嘅賽車Look，而係部車嘅機械Setting。首先，頭冚下一台1995cc柴油偈經廠方調校後，馬力及扭力輸出增至245匹和45.9kgm，配埋CloseRatio的跑車波箱，真係隨時一踩油已經快到唔知去咗邊！還有Low低了的避震和經過強化的制動系統，以及偷輕了的車重，也可令它的表現更強橫。呢個RacingPackage賣幾錢？大約是95,000歐元（即約港幣90萬），抵買與否真係見仁見智。
記者：鄭達基