啲明星拍戲拍劇，片酬郁吓都話要六、七位數字咁，唔貴唔講，梗係啦，要抬高身價嘛，假如講得自己太cheap，邊有片商肯出高價搵你拍戲。不過，凡事有例外，羅家英噚日就自爆自己拍劇只收一千蚊一集！
家英哥出席港台一個公眾諮詢會時，唔知係咪聽到港台話每年有四億幾撥款，就舉手質問港台，點解佢幫港台拍劇人工咁低，嗰四億幾去晒邊！點知廣播處助理處長（電視）張文新逐條數解釋，有二億係港台公務員員工薪金，五千幾萬用喺工程，燈油火蠟同版權諮詢又八千萬……計計埋埋每個部門製作經費得番五百至一千萬。言下之意，係想畀高啲片酬都唔得，不過，家英哥就唔話得，佢話拍吓啲戒賭節目可以幫到社會，所以佢都會去做喎。
爆料熱線：29290000、27860099
報料傳真：26239278
報料電郵：[email protected]