三十歲的阿智患有糖尿病，加上欠缺口腔護理常識，年紀輕輕的他，幾乎甩掉全部牙齒。「我好辛苦，冇晒牙，𡁻唔到嘢，只可以食粥，我又冇錢睇醫生。」失業的阿智說。
阿智患有遺傳性糖尿病，牙齒一向不太健康，五年前，他從事裝修工作，不慎從高處墮下，跌斷了三顆門牙，阿智其後往深圳求醫，懷疑因此感染細菌，這幾年間牙齒相繼脫落。
單身的阿智，近年失業，現靠綜援金生活，實無力負擔一筆治牙費用。「我見過好多工，例如餐廳侍應，但可能冇牙影響我外觀，一直冇老闆肯請我。」
行醫數十年未見
本報日前安排阿智到牙科診所檢查，主診的容醫生形容阿智情況十分罕見，而且相當嚴重。「我做咗牙醫幾十年，都冇乜見過後生仔啲牙會差成咁，基本上，佢上顎所有牙腳都斷晒、唔要得，下顎亦都差不多，就算要幫佢做牙托都唔容易。」
容醫生指，糖尿病人要加倍注意口腔衞生，除早晚刷牙外，每次進食後亦應該清潔口腔；他相信阿智平日處理不善，加上牙質較差，故引起如此嚴重牙患。
經詳細檢查後，容醫生先為阿智拔掉二十四隻已經壞死的牙腳，並嘗試全力替他「搶救」四顆犬齒。「就算幫佢做假牙，佢都必須要有幾隻真牙，先可以托穩個牙托，況且如果將所有牙都剝晒，佢牙骨會收縮得好快同變形，影響外觀，所以我希望可以盡量『救』番四隻。」容醫生謂，由於治療過程複雜，預計需時數個月。
社會福利署只會發放牙科津貼予個別有需要的長者及殘疾人士，阿智不符合申請資格，蘋果日報慈善基金撥款一萬五千元，資助阿智的治牙費。
捐款編號︰C1976
暖流熱線
電話：29908688
傳真：23702192
電郵：[email protected]
網址： http://www.charity.atnext.com