講開瘀男藝人，佢自從同宮女歌手拍拖後，兩個雖然想刻意低調，但始終避唔過狗仔隊嘅耳目，其實宮女就真係唔係好介意公開感情事，因為佢性格似鬼妹仔，一向係好開放，但瘀男成日覺得自己係偶像派，加上佢風流成性，咁快公開咗邊個係女友，咁咪阻住佢識其他女仔？所以到𠵱家都死口唔認拍拖。 為咗呢個問題，聽聞佢兩個都有嘈過，但宮女拗佢唔贏。哈！以前宮女同名伶個仔拍拖時，又唔見佢會咁順攤。