「雖然我成身都係贊助嘅，但係我都好鍾意呢件西裝褸，因為好有春天氣息。我一向都唔鍾意打呔，如果係一件淨色西裝就唔係好襯，所以呢件西裝褸好啱我，花得嚟又唔會太誇張，個感覺好young，襯番我嘅年紀。我都好鍾意PaulSmith呢個牌子，佢嘅設計好特別。」
許志安 發掘黑馬
「着名牌好多時會同人撞，所以我鍾意發掘新牌子。好似IsamuKatayama呢個牌子，香港未有專門店，但我相信佢會掂，所以入咗幾件，佢個cutting好啱我，而且用馬毛做嘅衫，好特別，仲好舒服。」
古巨基 潮着老西
「我着衫好多時候都要mixandmatch，今次我上身就着咗一件黑色西裝褸，但係鞋就選擇咗對好casual嘅波鞋。好多人以為西裝褸一定要襯皮鞋、恤衫先至得，其實襯對波鞋同T恤都可以好好睇，咁樣睇落就唔會太過formal啦。」
方力申 平T熱炒
「呢件Tee係日本牌子，喺日本係屬平價貨，但產品質料靚，兼且設計同圖案獨特，喺日本已經慢慢成為熱潮，估計冇幾耐就會大熱。香港嘅水貨商亦開始留意到，所以喺香港嘅水貨已經炒貴一倍。我着緊呢件係以披頭四做圖案，呢件係唱片之外，擁有嘅第一件披頭四產品。」
採訪、攝影：李珮洳、駱華齡、馬建華、胡苑君
