唔經唔覺詹瑞文嘅《男人之虎》已經第五度公演，喺前晚公演嘅「企硬版」裏面，詹Sir戴咗個長假髮，着住革命家哲古華拉件Tee，又攞住個大聲公，一望就知佢扮緊長毛，再加上佢嗌到青筋暴現個樣，真係笑破觀眾肚皮。其實今次詹Sir亦有扮王家衞，認為王家衞同長毛都係香港嘅icon，佢話：「長毛由街頭鬥士入立法會，反映咗香港轉變，亦代表咗唔同嘅聲音。」
