集歌迷萬千寵愛於一身的Soler，亦有鍾情的歌手。大孖Julio的音樂口味卻與細孖Dino不同，他說：「我鍾意英國女唱作人AnnieLennox（Eurythmics主音），佢好用心唱歌，佢演繹《Why》時鍾意自彈自唱，好有靈魂，佢直頭係我嘅目標。」本地歌手方面，Julio大讚黃貫中音樂才華洋溢，他說：「佢用通俗廣東話唱出嚟嘅歌，尤其《冇得俾》，我聽咁多次喊足咁多次。」
細孖Dino至愛英國當紅組合Coldplay，他說：「我覺得佢哋嘅音樂好夠氣氛，佢哋嘅歌詞好特別，好似詩咁靚，佢（主音ChrisMartin）把聲又好好聽。」本地歌手方面，Dino偏愛方大同，他說：「佢啲音樂好舒服，佢係出色嘅音樂家，表現經常保持水準。」