𠵱家好多藝人都會北上發展，普通話當然好重要，噚日張文慈（Pinky）同吳亭欣去咗沙田幫亞視宣傳，Pinky話為咗方便做嘢，決心學好普通話，佢話最快方法就係識個內地男友，但暫時未遇到喎！ 至於臨時缺席嘅陳啟泰（Ken），事後就喺電話度解釋，話公司原定一點三出車，點知佢呆等咗半粒鐘，又冇同事嚟解釋，為免令之後約會又遲到，所以決定唔出席宣傳活動，Ken哥果然夠堅。
