早前霍家二公子霍啟山同章子怡可以話係愛得難捨難離，喺二月嘅時候霍公子仲幫女友慶祝生日，關仁一直覺得佢兩個感情好穩定，打風都打唔甩。
點知日前有傳佢哋因聚少離多而情變，章子怡成日要飛嚟飛去，霍公子就喺美國做嘢，於是佢身邊出現咗個廿二歲女子，最後仲搞到同章子怡分手。
記者日前路過中環，見到霍公子阿媽朱玲玲，佢一路行一路傾電話，好似好忙咁。記者問朱玲玲佢個仔係唔係同章子怡分咗手？點知朱玲玲即時變得慌失失，一路耍手擰頭唔願講嘢，只係話sorry。當時佢等過馬路，由於係紅燈，佢惟有企喺度等，但就睇得出佢好唔耐煩，擰歪面之餘，仲拎個手機出嚟係咁㩒。再追問朱玲玲係咪有第三者介入導致霍公子同章子怡分手，佢只係話：「我個仔唔喺香港㗎！」之後就急急腳衝過對面馬路。
Textby關仁
