這幾天，差不多每天也要經過葵芳新都會廣場和荔景地鐵站，發覺這兩處車多之餘，行人又亂咁過馬路，真係唔打醒十二分精神都隨時會有意外發生；不過，呢啲都未算過份，最過份還是一班不守法嘅的士司機，點解？咪係阻住個路口囉！
葵芳新都會廣場對開一段興寧路，這處的小巴站附近，早已劃為24小時禁區，前些少也屬禁區範圍，不得上落客或停留，但卻常常見到有一條長長嘅的士車龍排隊等客，令本已繁忙的路面造成樽頸地帶，甚至連小巴想離開車站也有困難，旁邊葵涌廣場對開的一段葵富路，上落客區也被的士霸佔，巴士想埋站上落客，真係難過登天，也因為咁而令本來兩線行車的路面，僅剩回一線行車。荔景地鐵站的情況也差不多，甚至連專線小巴站也被他們霸佔而變成的士站，所有小巴只好在路中上落客，阻礙來往的交通。
查實，大家都明白的士司機搵食艱難，到處泊車等客也是在所難免，但可否遵守法例和為他人設想一下，在不阻礙別人的情況停車等客，這樣對大家也有好處。另外，警方也應嚴厲執法，碰見呢類情況應立即採取行動，勸喻他們離開甚至發出告票，而不再是「隻眼開隻眼閉」！
記者：鄭達基