整容女歌星畀人嘅感覺好似好nice，但其實佢自從走紅後，份人愈來愈寸，對住老闆級人馬同記者就梗係好口啦，對住公關、fans時就會露出真面目。關仁就試過目擊整容女歌星出席宣傳活動遲大到，嚟到又對住公關扮晒大支嘢，呢樣唔肯嗰樣唔做，fans叫佢簽名，佢又好晦氣咁話唔簽。fans係米飯班主，如果整容女歌星唔識得檢討，睇怕好難紅落去。