「平時出席特別嘅大型場合，好似首映同一啲重要活動，都可以着得性感啲，呢個係尊重場合嘅方式，𠵱家社會風氣冇以前咁守舊，着衫最緊要係啱個場合，性感係禮貌嘅一種，當然落去旺角行街唔可以着到咁啦！」
何韻詩 中性型格
「自己平日真係好少出去行街買衫，所以每次出碟前都會同造型師商量應該着乜嘢衫去配合張唱片，而今期我會貫徹始終，走型格路線，所以啲衫亦會以中性為主，上身配襯短身西裝褸，下身就會着長褲，但係中間亦會加插一啲女性化嘅嘢點綴。」
官恩娜 飛碟頸鏈
「我戴緊呢條頸鏈係朋友係幾年前送畀我嘅，我好鍾意個簡單嘅設計，起用咗VivienneWestwood飛碟圖案，中間配襯一粒水晶。平日我揀選首飾都係以簡單設計為主，因為太複雜圖案同設計，可能會影響件衫整體感覺。收藏首飾都好有學問，我每件首飾都會用個袋獨立袋起。」
湯盈盈 短褲活潑
「呢一身春裝都係今年興嘅着法，平時我去行街，就一定會搵埋朋友同我一齊去幫我做styling，其實今年係興傘裙，但係我個人咁活潑，就鍾意着褲多啲，呢條三個骨褲，長度係啱啱好，如果再短騷到太多腳就唔好睇，因為我隻腳太白。」
採訪：馬建華、李珮洳、楊潔雯
攝影：陳偉權、仇志德
