昨日新登場的湖南有色（2626），當真一鳴驚人，收市報2.85元，比起招股價高出73％，但最誇張係成交金額高達27.14億元，僅僅次於滙控（005）。
但同人唔同命，湖南有色掛牌前，一直獲唱好的五礦資源（1208），昨日公布末期業績，盈利倒退17％至1.82億元，股價即時下挫，最低見2.40元，收報2.65元，仍跌10.17％。
經紀黃話，雖然湖南有色首日股價大幅高收，而且成交相當驚人，但居然仲有芬佬話未買齊貨，真係信不信由你？
經紀黃早前提過，消防股海灣控股（416）可吼，而剛公布業績果然靚仔，盈利1.6億元人民幣，比去年升32％。
呢間上市初期備受忽略嘅公司，即時獲多間大行調高目標價，好似大摩就話睇3.48元，而麥格理更話睇3.75元，咁多大行唱好，睇嚟隻股可能高處未算高。
海灣昨日受到所公布的業績理想刺激，股價大升7.08％，收3.025元，成交股數927萬股，金額2734.89萬元。
慕容小初