傳媒教父黃應士做咗公共廣播服務檢討委員會嘅主席後，八方聽聞佢非常投入，朝九晚五喺稅務大樓三十八樓返工，同返TVB時一樣咁勤力，咁佢老人家一世英名，當然唔可以衰畀人睇，煲呔就係睇中佢嘅弱點委任佢㗎啦。
八方噚日見到阿吉叔，問佢份差事係咪好難做，佢即刻大吐苦水，話一生人第一次咁低聲下氣親自寫咗封信畀廣播處前處長張敏儀，話佢嘅意見好寶貴，邀請佢嚟委員會發表意見，用到YoursRespectfully都好尊敬，點知張大姐回覆委員會秘書劉焱話港台同事嘅意見已好夠唔肯嚟，實行畀個大檸檬吉叔食，第二晚吉叔見大姐上飛哥節目大講港台，真係激到彈起。
傳真︰2623-9278
電郵︰[email protected]