名媛譚玉梅投資物業有一手，佢啱啱用呎價8600蚊，賣咗金鐘遠東金融中心43樓01室，一年多啲賺近171萬。
屋之島董事梁寶儀話，單位面積2094方呎，譚玉梅喺04年11月用呎價7784蚊買入，舊年7月賣畀個投資者，呎價8596蚊，成交期定喺今年1月，但買家冇完成交易，譚小姐殺定後再放過，終於以同價賣出。今次嘅成交期都幾長，有成9個月。
單位連08年1月到期嘅租約，呎租28蚊，回報3.9厘。唔知買家係咪諗住成交前再摸出圖利呢？
除咗呢個單位外，譚玉梅之前亦沽出金鐘力寶中心二座37樓05至06室，佢05年1月以呎價7700蚊買入，以8513蚊賣出。單位租期至今年11月，但因合約喺沙士期間簽，