鍾嘉欣前晚拍攝無綫新劇《搜神傳》時，被木梯絆倒扭傷右腳，被送往將軍澳醫院。昨日一臉倦容的她返回將軍澳電視廣播城開工，她透露暫時只能拍攝上半身的文戲。
鍾嘉欣前晚與陳錦鴻、陳浩民在將軍澳電視廣播城拍攝無綫新劇《搜神傳》，其間鍾嘉欣意外受傷被送往將軍澳醫院。前晚拍攝的一幕講述嘉欣得悉家人出事後，飛奔外出，由於當時錄影廠內所有人都未察覺地上放了一道木梯，結果鍾嘉欣奔跑期間被木梯絆倒而受傷。
而鍾嘉欣昨午繼續返電視城拍攝《搜》劇，一臉倦容的她要以枴杖支撐身體走路，右腳腳踝以紗布包紮着。提起受傷經過時猶有餘悸，鍾嘉欣說：「嗰時盡量忍住冇喊，醫生話傷咗韌帶，畀咗三日假我，凌晨五點幾入院，搞到七點幾先返屋企，但要趕拍套劇，所以今日惟有返嚟拍啲半身文戲。」
「行到似機械人」
鍾嘉欣又謂尚未習慣用枴杖走路，她說：「枴杖係經理人畀我嘅，不過用咗反而好似唔識行路，行到好似機械人咁，右腳包住亦着唔落鞋。不過有人同我講叫我着番鞋會好啲，因為拖鞋太平，行起上嚟反而難用力。」
採訪、攝影：卓美娟
