每逢月尾我都會忙到嗌救命，但並唔係因為工作喎，而係因為忙住睇本地和外國的汽車雜誌喎！事關昨日買咗幾本雜誌回家，連膠袋都未拆，新一期《AUTOCAR》又到咗，正當我想將它放在一旁之際，見到試車報告，今次主角是全新的標致207。雖然207是部小車，但編輯們還是覺得坐進去好有大車Feel，好舒服，1.6公升引擎輸出又唔弱，只嫌避震Setting較軟，過彎表現稍欠了一點。真定假呀？等部車到咗香港嗰陣真係要試真啲先得！
911學人出SUV
後半部是保時捷911SUV的消息，查實書內有不少關於保時捷新車的消息，但當中911SUV是我最想要的DreamCar，報道說新車是三門設計，跟其他同門師兄弟一樣咁有型，但是離地距則有所提升，如果唔係點可以叫做SUV呀！至於用咩引擎？Sorry，暫時未有消息。
記者：鄭達基