裕記買舖收租

近年靠賣平價貨打響名堂嘅裕記食品，每間舖頭都吸引好多街坊幫襯，佢哋最近就用1580萬，買咗觀塘瑞和街14至20號地下B號舖，520呎，呎價逾3萬幾。聽講裕記諗住用嚟收租。裕記一方面周圍租平舖賣嘢，另方面就買舖收租，唔知裕記呢個經營方式係咪好好搵。
中原地產九龍商舖部高級營業經理鄭莉莉話，呢個舖估計可以租到九萬蚊，回報有6.8厘，都算幾理想。