薛家燕前日五十六歲生日，晚上在尖沙嘴設宴八十圍，與一眾好友及影迷共賀牛一，兼慶祝復出娛樂圈十周年。家燕姐大歎十年辛勤工作雖然為她帶來一個安穩的家，兒女長大成人兼供完樓，可惜卻忽略了健康。她表示今年的生日願望是減少工作量，更希望找個老伴相依。
薛家燕自九六年復出拍攝無綫處境劇《真情》後，至今已有十年，適逢前日是她五十六歲生日，遂於尖沙嘴美麗華酒店筵開八十席，與影迷及好友歡度壽辰兼慶祝復出十周年，多位七公主成員包括陳寶珠、王愛明及馮素波均有出席，此外老拍檔胡楓、元華及馬浚偉、湯盈盈等均有到場。切生日蛋糕時，囡囡親吻母親祝賀，場面溫馨。
灰姑娘還首飾
當晚家燕姐佩戴超過三十卡紅寶石及六十卡鑽石的頸鏈、手鏈及耳環出席，估計價值逾百萬，她笑言自己恍如灰姑娘般：「因為係贊助，我十二點就要去還喇。」
轉瞬間十年過去，令家燕姐無限感慨，她說：「呢十年過得好快，好似過咗二十年咁，係好辛苦，但令我有一個安穩嘅家。我九六年復出，嗰陣啲仔女仲細，但𠵱家佢哋都大晒，連細女都中學畢業。早幾日銀行經紀打畀我，話我層樓已經供完，我好開心，嚟緊一年工作上會放鬆啲，會注意身體健康。」問家燕姐可會趁機找個伴？她即笑說：「馮寶寶都有勸我搵個伴，睇吓今晚有冇出現啦！」
證鍾麗淇復合
陳寶珠及湯盈盈不約而同送上絲巾予家燕姐做生日禮物，問湯盈盈可知好友鍾麗淇已回港，並和男友梁榮忠重修舊好，湯盈盈說：「我知佢返咗嚟，有見過佢，佢哋係好番，佢心情好好㖭。」
採訪、攝影：王崇穎
