自從肥龍上次喺十一．五論壇，提出香港有「邊緣化」嘅危機後，突然間個個開口埋口都講，任總又講、煲呔又講，噚日就輪到人大副委員長成思危講。佢老兄嚟咗香港，同啲記者講最近都有留意呢個討論，香港唔想被邊緣化就要好似佢個名一樣「居安思危」，如果香港人唔努力、個個去瞓覺，咁就真係會被邊緣化。咁即係叫香港人自求多福，唔好再靠阿爺關照啦。
但講到係咪支持煲呔連任，佢就驟忌，淨係話中央支持特區政府依法施政，煲呔連唔連任唔係佢話事，而係班選委決定喎。講到咁官腔，唔知係咪想警告煲呔都要居安思危，唔好好似老董咁，以為阿爺實撐硬你。
傳真︰2623-9278
電郵︰[email protected]