拍拖要低調 忌影響父母<br>胡文新怕咗袁彩雲

拍拖要低調 忌影響父母
胡文新怕咗袁彩雲

合和主席胡應湘的兒子胡文新前晚單拖赴會出席Armani時裝展,早前他與袁彩雲極速相戀,之後火速分手,對此他不願多談,胡文新重申自己一向都低調,亦不想報道牽涉父母。

有優雅大師美譽的意大利時裝設計師GiorgioArmani前晚於中環滙豐銀行總行,舉行一連三場的ArmaniPriv囗時裝騷,吸引不少城中名人如趙式明和鄧裕鏗等睇騷。
甚少出席社交場合的合和集團主席兼全國政協委員胡應湘的兒子胡文新(Thomas)亦單拖睇騷,Thomas對於記者提問有關他與袁彩雲閃電拍拖三個月,之後火速分手一事表現不願多談,堅守其低調作風。

感情事自己控制

問Thomas分手後,有否與袁彩雲聯絡見面,他說:「唔講,自己不嬲都低調。」有否嬲袁彩雲早前將二人派對合照發放給傳媒?Thomas亦默不作聲。對於報道牽涉他的父母,會否不喜歡?Thomas說:「當然唔想,自己嘅事自己會處理,同埋佢(父親)都唔會干涉我啲感情事。」
此外,前晚吳彥祖(Daniel)、陳豪、廖碧兒及吳卓羲,紛紛以Armani新裝示人。早前Daniel與名模女友LisaS.在家親熱被偷拍,問他會否考慮搬家?他說:「Leon(黎明)住咁高、咁遠都俾人影到,總之自從嗰件事之後,屋企都掛晒窗簾。」

吳彥祖女友犧牲大

問Daniel會否在公眾場合特別小心怕做出不雅動作,他說:「不嬲都唔會,呢啲嘢會留喺屋企做,不過我覺得成個社會風氣都係咁,好似針對女性,因為我女朋友已經承受好多壓力,平時又要keepfit,佢唔係藝人,用啲咁核突嘅字眼形容。」
提到繼側田後,Daniel被列為M字額高危人士,他對此說:「自己唔介意,呢啲係好自然嘅事,好似啲人會肥一樣。」
採訪:RitaLeung、JessicaNgan
攝影:MatthewLam

Armani完騷後與眾模特兒大合照,甚有氣勢。

胡文新不算是時裝騷的常客,前晚卻單拖現身睇騷。

袁彩雲疑因高調處理與胡文新的戀情,拍拖三個月即火速甩拖。 
資料圖片

胡應湘早前表示與袁彩雲僅有一面之緣,不會干涉兒子的戀情。
資料圖片

吳彥祖對於被列為M字額高危人士,處之泰然。

鄧永鏘兒子鄧裕鏗早前與名模姬蒂摩絲在倫敦夜蒲,但他否認戀情。