林海峰（Jan）昨日到觀塘出席足球宣傳活動，阿Jan與五名穿上運動服飾的女模特兒拍合照時表現拘謹，事後他說：「都係唔好搞咁多嘢，一家大細㗎！」難道害怕太太彭羚呷醋？
林海峰昨日到觀塘apm出席Nike為足球愛好者設立的網頁活動，並獲委任為「JogaBonito」（葡文，意思踢出漂亮）精神領袖。現場有八位足球員示範不同國家隊的最新裝備，五位女模特兒則穿上改裝自巴西及韓國國家隊球衣的服飾。
有儲開波鞋
活動期間，阿Jan被安排與女模特兒合照，不過置身靚女當中的他表現非常拘謹，雙手放在身前，目不斜視。當記者要求他們親密一點時，阿Jan即顯得十分避忌，未知是否擔心妻子彭羚興師問罪，阿Jan亦不禁說：「都係唔好搞咁多嘢，一家大細㗎！」近日阿Jan老拍檔葛民輝被揭與女子夜遊，莫非阿Jan吸取了老友教訓？
阿Jan坦言足球技術平平，但有儲波鞋及足球的習慣，閒時亦會在家跟愛女切磋球技享天倫。
歎方法冇用
早前有指演藝人協會有意發起反偷拍大遊行，但會長曾志偉日前澄清沒有此事。阿Jan同意志偉所言，因對方近日忙於搞香港電影金像獎，他又認為若果藝人要搞遊行，一定要得到大家注意才有成效，他笑說：「可以喺灣仔跳舞，或者剃光頭三跪九拜，不過就算真係反到偷拍，都反唔到佢哋用嘅字眼啦！雖然政府有意草擬立法，但好明顯會好似側田首《好人》最尾嗰幾句『沒結果、沒結果……』呢啲永遠都係爭論不休，總之我覺得喺屋企𢱑痕、整bra帶，就連接吻都一啲唔稀奇，正常人都會做。」
採訪、攝影：駱華齡
